Periocha et Personae Ter. Ad. periocha

Duos cum haberet Demea adulescentulos,

dat Micioni fratri adoptandum Aeschinum,

sed Ctesiphonem retinet. hunc citharistriae

lepore captum sub duro ac tristi patre

frater celabat Aeschinus; famam rei,

amorem in sese transferebat; denique

fidicinam lenoni eripit. uitiauerat

idem Aeschinus ciuem Atticam pauperculam

fidemque dederat hanc sibi uxorem fore.

Demea iurgare, grauiter ferre; mox tamen,

ut ueritas patefacta est, ducit Aeschinus

uitiatam, potitur Ctesipho citharistriam.

Micio senex

Demea senex

Sannio leno

Aeschinus adulescens

Bacchis meretrix

Parmeno servos

Syrus servos

Ctesipho adulescens

Sostrata matrona

Canthara anus

Geta servos

Hegio senex

Dromo puer

Stephanio puer

Pamphila virgo

(Cantor)