10. Canis senex sus et venator Phaedr. 5, 10

Adversus omnes fortis veloces feras1

Canis cum domino semper fecisset satis,

Languere coepit annis ingravantibus.

Aliquando obiectus hispidi pugnae suis

Arripuit aurem, sed cariosis dentibus5

Praedam dimisit. Hic tunc venator dolens

Canem obiurgabat. Cui latrans contra senex:

»Non te destituit animus, sed vires meae.

Quod fuimus laudas, si iam damnas quod sumus.«

Hoc cur, Philete, scripserim, pulchre vides.10