6. Ranae ad solem Phaedr. 1, 6

Vicini furis celebres vidit nuptias1

Aesopus et continuo narrare incipit:

Uxorem quondam Sol cum vellet ducere,

Clamorem ranae sustulere ad sidera.

Convicio permotus quaerit Iuppiter5

Causam querelae. Quaedam tum stagni incola:

»Nunc« inquit »omnes unus exurit lacus

Cogitque miseras arida sede emori.

Quidnam futurum est, si crearit liberos?«