275 OPPIDA QUI QUAE CONDIDERUNT Hyg. fab. 275

1Iovis in India Thebas, Thebaidos nomine nutricis suae; quae hecatompylae appellantur ideo quod centum portas habent.

2 Minerva in Chalcide Athenas, quas ex suo nomine appellavit. Epaphus Iovis filius in Aegypto Memphim. Arcas Iovis filius in Arcadia Trapezunta.

3 Apollo Iovis filius Arnas. Eleusinus Mercurii filius Eleusinem. Dardanus Iovis filius Dardaniam.

4 Argus Agenoris filius Argos, quae . . . . Cadmus Agenoris filius Thebas heptapylas, quae septem portas habuisse dicuntur.

5 Perseus Iovis filius Perseida. Castor et Pollux Iovis filii Dioscorida. Medus Aegei et Medeae filius in Ecbatanis Medam.

6 Camirus Solis filius Camiram. Liber in India Hammonem. Ephyre nympha Oceani filia Ephyren, quam postea Corinthum appellarunt.

7 Sardo Stheneli filia Sardis. Cinyras Paphi filius filiae suae nomine Smyrnam. Perseus Iovis filius Mycenas. Semiramis Dercetis filia in Syria Babylonem.