182 OCEANI FILIAE Hyg. fab. 182

1Oceani filiae Idothea Althaea Adrasta, alii dicunt Melissei filias esse, Iovis nutrices.

2Quae nymphae Dodonides vocantur (alii Naides vocant) . . . . . quarum nomina Cisseis Nysa Erato Eriphia Bromie Polyhymno; hae in monte Nysa munere alumni potitae sunt, qui Medeam rogaverat, et deposita senectute in iuvenes mutatae sunt, consecrataeque postea inter sidera Hyades appellantur.

3Alii tradunt vocitatas Arsinoe Ambrosie Bromie Cisseis Coronis.