20 Cic. fam. 16, 20

Sollicitat, ita vivam, me tu a, mi Tiro, valetudo; sed confido, si diligentiam quam instituisti adhibueris, cito te firmum fore. Libros compone; indicem cum Metrodoro libebit, quoniam eius arbitratu vivendum est. Cum holitore, ut videtur. Tu potes Kalendis spectare gladiatores, postridie redire, et ita censeo; verum ut videbitur. Cura te, si me amas, diligenter. Vale.