11A Cic. Att. 8, 11A

Scr. Luceriae IV Id. Febr. a. 705 (49).

Cn. Magnus procos. s. d. M. Ciceroni imp.

Q. Fabius ad me venit a. d. IIII Idus Febr. Is nuntiat L. Domitium cum suis cohortibus xii et cum cohortibus xiiii quas Vibullius adduxit ad me iter habere; habuisse in animo proficisci Corfinio a. d. V Idus Febr.; C. Hirrum cum v cohortibus subsequi. Censeo ad nos Luceriam venias. Nam te hic tutissime puto fore.